Тот сектор окончує студийно-аналитични роботи, управни и статистично-евиденцийни роботи; окончує нормативни, общи правни роботи, материялно-финансийни роботи и роботи инспекцийного надпатрунку и интерней контроли; вирабя нариси и предкладаня одлукох и других общих и поєдинєчних актох за Владу и Скупштину; вирабя общи акта з дїлокругу компетенцийох Секретарияту, окончує роботи виробку актох о нукашнєй орґанизациї и систематизациї роботних местох у Секретарияту, окончує общи правни роботи у обласци роботних одношеньох и вирабя акти о поєдинєчних правох и обовязкох занятих и роботно анґажованих у Секретарияту; окончує фахово-технїчни и административни роботи за конкурсну комисию хтора запровадзує конкурси за пополньованє роботних местох у Секретарияту; пририхтує рочну програму роботи Секретарияту; окончує роботи запровадзованя поступкох явних набавкох и набавкох за потреби Секретарияту; утвердзує награди и ушорює способ и поступок їх додзельованя за стимулованє културней творчосци у дзепоєдних обласцох култури, односно за окремне доприношенє у обласци културней творчосци; окончує административни, технїчни и други роботи за потреби Секретарияту; водзи евиденциї, окончує инспекцийно-надпатраюци роботи у установох култури, дава согласносц на одлуку о окончованю преширеней дїялносци установох, вирабя нариси и предкладаня актох установох култури у поглядзе менованя и розришеня руководительох установох, членох управних и надпатраюцих одборох, сновательних актох, актох о нукашнєй орґанизациї и систематизациї роботних местох и о даваню согласносци на пременку назви установох, окончує административни, студийно-аналитични, економско-финансийни и роботи одношеньох з трезором у сотруднїцтве з трезором, контролує и одвитує за исправносц и точносц материялно-финансийней документациї, обезпечує вивершенє буджетних финансийних обовязкох секретариятох и установох култури, планує и аналує финансованє установох, орґанизує и запровадзує интерну контролу наменкового хаснованя буджетних средствох, сотрудзує з републичнима и покраїнскима орґанами, орґанами городох и єдинкох локалней самоуправи, установами и другима орґанизациями и окончує инши роботи и задатки у складзе зоз компетенциями Секретарияту.
У Секторе за общи правни, материялно-финансийни и инспекцийно-надпатарюци роботи и интерну контролу, узши нукашнї єдинки тоти:
- Оддзелєнє за общи правни роботи,
- Оддзелєнє за инспекцийно-надпатраюци роботи и интерну контролу,
- Оддзелєнє за материялно-финансийни роботи, знука хторого ше орґанизує:
- Ґрупа за индиректних хасновательох у обласци култури.