Сектор за сучасну творчосц – компетенциї

Тот сектор окончує студийно-аналитични роботи и статистично-евиденцийни роботи хтори ше одноша на виробок информацийох, анализу и даванє звиту о стану у обласци култури и уметносци за потреби Влади и Скупштини; провадзи закони з обласци култури и други предписаня з хторима ше ушорює културну дїялносц и обласц културней дїялносци хтори ше трима за уметнїцку дїялносц; провадзи применьованє тих предписаньох на териториї АП Войводини; розписує и реализує конкурси за финансованє и софинансованє проєктох, манифестацийох и фестивалох у обласци култури и уметносци; предклада мири за унапредзенє културней дїялносци у обласци: литератури (творчосц, прекладательство); музики (творчосц, продукция, интерпретация); подобовей, применєней, визуалней уметносци, дизайну и архитектури; театралней уметносци (творчосц, продукция и интерпретация); уметнїцкого танцу – класични балет, народни танєц, сучасни танєц (творчосц, продукция, интерпретация); филмскей уметносци и иншей аудио-визуалней творчосци; диґиталней творчосци и мултимедийох; инших виводзеньох културних програмох и културних змистох (мюзикл, улїчна уметносц и подобне). Провадзи роботу и реализацию програмох установох з обласци творчосци чий снователь АП Войводина. Анализує, провадзи можлївосци и участвує у конкурсох яки вязани за финансованє програмох, проєктох, манифестацийох и фестивалох з обласци култури з европских и других медзинародних фондох; провадзи применьованє Стратеґиї розвою култури Републики Сербиї у часци хтора ше одноши на АП Войводину; участвує у креированю и запровадзованю културней политики АП Войводини и активно участвує у виробку Програмох розвою култури у АП Войводини; сотрудзує з министерством цо компетентне за обласц култури и другима державнима орґанами, покраїнскима орґанами, орґанами городох и єдинкох локалней самоуправи, установами у обласци култури, нєвладовима и другима орґанизациями у обласци култури и уметносци; провадзи реализацию проєктох у обласци сучасней творчосци у хторих АП Войводина ношитель або партнер у реализациї проєкту.